Scolari

Enskir knattspyrnuspekingar eru sumir hverjir alfarið á móti því að útlendingur verði aftur ráðinn þjálfara enska landsliðsins.

Hver eru rökin?

Aðallega þau að það séu slæm skilaboð til innlendra þjálfara!

Þjálfarar allra bestu ensku liðanna eru útlendir: Mourinho, Ferguson, Benítez, Jol, Wenger ... Er það tilviljun? Og eru það þá ekki líka slæm skilaboð til innlendra þjálfara?

Það sem skiptir máli þegar ráðinn er þjálfari er að viðkomandi sé snjall í sínu fagi, ekki af hvaða þjóðerni hann er. Jafnvel þó um sé að ræða starf þjálfara enska landsliðsins. Scolari hinn brasilíski, sem nú er sagður líklegastur til þess að hreppa það hnoss, sem starfið vissulega er, stýrði landsliði Brasilíu að heimsmeistaratign. Það hlýtur að vera einhvers virði.

Athugasemdir

[Björn Barkarson, 27.4.2006 kl. 12:24]

Bretar eru voðalega uppteknir af þessu með "innlenda" landsliðsþjálfara. Sama umræða er í gangi hér í Wales vegna þjálfara velska landsliðsins í rúgbý. Þetta er einhver blanda af útlendingafordómum og minnimáttarkennd. Forráðamenn á hverjum tíma hljóta að hafa metnað fyrir því að ná árangri og eins og þú segir þá virðist ekki skipta máli þó þjálfari sé "útlendur", hann getur samt náð árangri.

[Kristján Guðmundsson (IP-tala skráð) 27.4.2006 kl. 13:03]

Englendingarnir hafa mikið talað um að þjálfarinn þurfi að skilja hvernig bretinn hugsar. Sífellt "hneykslismál" Svennis hafa orðið til þess að enskir vilja Englending í stöðuna. Englendingur myndi aldrei koma sér í þá aðstöðu sem Sven gerði með hjákonurnar o.s.frv. Scolari er ekkert of vinsæll í Portúgal og það er vegna þess að Portúgölum finnst hann ekki nógu "Portúgalskur" hvorki í orði né verki. Þá sagði einn enskur landsliðsmaður í seinustu viku að landsliðsstjórinn þyrfti lágmark að hafa reynslu af Meistaradeild Evrópu, ekki margir enskir stjórar sem hafa þá reynslu ! Allavega, það þarf reyndan mann í þessa stöðu, enska landsliðið þarf að fara að vinna alvöru stórmót mjög fljótlega, að vísu hefur Sven talað um að næsti titill enskra yrði einmitt nú í sumar, HM 2006, 43 dagar og biðin styttist !

[Kristján Guðmundsson (IP-tala skráð) 29.4.2006 kl. 06:19]

Var það ekki ! Það er ekki allra að höndla og lifa með bresku Pressunni. Scolari verður ekki næsti þjálfari Englendinga, ætli það þurfi ekki Englending í stjórastólinn til þess að höndla þennan sirkus allan.