Einhver á leið til Cardiff?

Ég kannaði verð á miðum á úrslitaleikinn í ensku bikarkeppninni, viðureign Liverpool og West Ham.

Og svo hættum við félagarnir við að fara.

Sé miðaverðið sett í samhengi við eitthvað annað er það kannski ekki ýkja hátt, og þó. Fyrir andvirði eins miða inn á völlinn gæti ég keypt um það bil 19 bjórkassa, 456 stórar dósir.

Miðinn kostaði sem sagt 700 pund, um það bil 95 þúsund krónur, á svörtum markaði hjá náunga sem er í þeim bransa þarna úti.

Með því að kaupa allan bjórinn, tveir saman, og spara þannig annan miðann og flug, lestarferð og gistingu, kæmi maður út í gríðarlegum hagnaði. Eða er það ekki?

Athugasemdir

[Rúnar Birgir Gíslason (IP-tala skráð) 4.5.2006 kl. 06:00]

Skondið fyrir okkur Danina að þú berir verð miðans við verð bjórs, því þú er væntanlega að bera saman við íslenskt verð.
95000 ísl kr myndu duga fyrir allavega 95 kössum af bjór hér í Danmörku. Reyndar ekki kassar með 1/2 líters dósum enda drekka Danir ekki slíkt, finnst það fáránlegt að gera það enda er bjórinn flatur þegar maður er hálfnaður með dósina.

Það er annars verulega gaman að fylgjast með skrifum þínum hér.

kv.
Rúnar Birgir Gíslason

[Skapti (IP-tala skráð) 4.5.2006 kl. 08:30]

Takk fyrir þetta félagi. Vissulega íslenskt verð sem ég miða við, og hér þamba menn úr hálfs líters - ætli það sé ekki hagkvæmara, veit það ekki. Bestu kveðjur, Skapti.