Grenivík, miðja heimsins

Valgarður Egilsson, sérfræðingur í krabbameini og frændi minn, er fáum líkur. Kannski engum. Hann sagði frá því, á ættarmóti í Skarðsgili í Dalsmynni í dag, að í æsku hefði hann komist að því að Grenivík - þar sem hann er fæddur, og pabbi líka - væri miðja heimsins. Þegar hann hóf að nema landafræði fimm ára sá hann nefnilega að á núlltu gráðu (0.), og þar af leiðandi í miðju heimsins, stóð Greenwich. Greenivík, á íslensku. Og ekki nóg með að staður þessi væri í miðju heimsins miðað við lengdarbaug, heldur var (og er) tíminn í okkar veröld miðaður við Greenwich; Grenivík!

 

Ættarmótið heldur áfram í Greenwich í kvöld. Ég á ekki heimangengt, því miður. En kannski maður taki bara Taxa í kvöld og bruni úteftir, til þess að hitta Valgarð og alla hina snillingana.

Athugasemdir

[Sverrir Páll (IP-tala skráð) 23.7.2006 kl. 07:53]

Já fóstri minn. Það hefur aldrei vafist fyrir mér að þarna við utanverðan fjörðinn eru bæði Greenwich og Dallas.

Hvað er málið með að vera skráður eða ekki?

[Skapti (IP-tala skráð) 23.7.2006 kl. 18:31]

Ekki alveg viss. Líklega þó til þess að detti einhverjum í hug að ata annan auri á þessum vettvangi sést strax hver hinn seki er.