Terry og Carragher

Hvers vegna eru menn alltaf að velta því fyrir sér hvort Rio Ferdinand eða Sol Campbell verði í vörn Englands á HM í sumar?

Það blasir við að hvorugur verður í byrjunarliðinu að óbreyttu - enda tveir yfirburða miðverðir enskir um þessar mundir og hljóta að vera óskamiðvarðapar Svens Görans: það eru að sjálfsögðu John Terry hjá Chelsea og Liverpool maðurinn Jamie Carragher.

Um þetta er ekki einu sinni hægt að rífast, það er svo augljóst.

Athugasemdir

[Reyes (IP-tala skráð) 2.5.2006 kl. 00:27]

Carragher er svo hræðilega ofmetinn að það hálfa væri nóg.
Terry og Ferdinand eru yfurburðar miðverðir hjá Tjöllum.
King og Campbell eru ofar í goggunarröðinni en Carragher

[Kristján Guðmundsson (IP-tala skráð) 2.5.2006 kl. 08:57]

Það er verið að tala um að án Owen og Rooney þá vinni Englendingar ekki HM í sumar. Án þeirra og með Terry og Carragher í hafsentinum þá fara þeir ekki upp úr riðlinum !

[Arnaldur (IP-tala skráð) 2.5.2006 kl. 23:46]

Hárrétt, Terry og Carragher eru yfirburða varnarmenn í deildinni. Varnartilþrif Rio Ferdinand í síðasta marki Chelsea um helgina ættu ein og sér að festa hann á bekknum hjá landsliðinu. Þar spilaði hann sóknarlínu Chelsea réttstæða á undraverðan hátt. Campbell ætti bara að vera að sáttur við að komast með á HM...