Zidane

Hrikalegt áfall fyrir Zidane - að fá þriggja leikja bann hjá FIFA. Að vísu búinn að leggja skóna á hilluna, þannig að bannið hefur ekki áhrif fyrr en í næsta lífi.

Zidane skoraði tvisvar með skalla í úrslitaleik HM 1998 og segja má að hann hafi átt frægasta skalla HM í ár. Samt er hann miklu frægari fyrir fótafimi en vera góður skallamaður.

Flottur! Auðvitað mátti hann ekki bregðast svona við. En samt, flottur.

Rykið dustað af lyklaborðinu

Jæja! Nú er orðið tímabært að dusta rykið af lyklaborðinu eftir leti undanfarinna vikna á meðan ég skaust með fjölskyldunni í hlýindin í Svíþjóð og Danmörku. Við skemmtum okkur konunglega í hinum ýmsu skemmtigörðum, en mér fannst satt að segja býsna gott að koma heim í íslenska blíðviðrið! 10 stig á celsius eru fín, sérsaklega að næturlagi ef manni dettur í hug að reyna að sofa.

 

Það getur vel verið að ég setji einhverjar myndir úr ferðinni inn á bloggið. Sjáum til. Ég er að fara í gegnum fælinn, ég tók víst dálítið margar...